DÜNYA


Ermənistan vətəndaşı Çelyabinskdə ona basqın edilməsi barədə polisə yalan məlumat verib

Moskva, 21 iyun, AZƏRTAC 

Rusiyanın Çelyabinsk şəhərində 35 yaşlı Ermənistan vətəndaşı ona basqın edilməsi barədə polisə yalan məlumat verib. Yerli hüquq-mühafizə orqanlarından bildiriblər ki, o, borclarını qaytarmaq istəmədiyi üçün hadisəni özü uydurub.

Rusiya DİN-in Çelyabinsk vilayəti üzrə Baş İdarəsinin mətbuat xidmətinin məlumatına görə, Ermənistan vətəndaşı ona iki nəfərin basqın etməsi və 975 min rubl, 25 min dollar və 50 min rubl dəyərində qızıl əşyalarının oğurlanması barədə polisə şikayət ərizəsi yazıb. Hüquq-mühafizə orqanları hadisə ilə bağlı “Quldurluq” maddəsi ilə cinayət işi qaldırıblar. Şəhərdə basqınçıların axtarışı üçün əməliyyat tədbirlərinə başlanıb. Lakin sonradan hadisənin uydurma olduğu ortaya çıxıb.

Yerli KİV-lərin yazdığına görə, adı açıqlanmayan Ermənistan vətəndaşı Rusiya hüquq-mühafizə orqanların diqqətini bundan əvvəl də cəlb edib. Bir müddət əvvəl onun barəsində avtomobil təmiri adı ilə 100 min rubl oğurlaması ilə əlaqədar “Dələduzluq” maddəsi ilə cinayət işi açılıb, ölkəni tərk etməsinə qadağa qoyulub.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.