DÜNYA


Ermənistanda gənclərin 39,1 faizi işsizdir

A+ A

Bakı, 20 oktyabr, AZƏRTAC

Bütün sahələrdə iflasa uğrayan Ermənistanda işsizlik böhranı yaşanır. İşğalçı ölkədə təkcə gənclərin 39,1 faizi işsizdir.

Ermənistan Statistika Xidmətinin məlumatına görə, ölkədə işsizlərin sayı ciddi şəkildə artıb. İşsizlərin 79,8 faizi qadınlar, 48,6 faizi isə 16-44 yaş arasında olanlardır. İşğalçı ölkədə gənclər arasında işsizlik kritik həddədir.

Beynəlxalq Əmək təşkilatının bununla bağlı hesabatında deyilir ki, 2017-ci ildə MDB ölkələrində gənclər arasında işsizliyin səviyyəsi oğlanlar arasında 17,3, qızlar arasında isə 17,7 faiz olacaq ki, bunun da böyük əksəriyyəti Ermənistanın payına düşəcək. Hazırda Ermənistanda təkcə gənclər arasında işsizliyin səviyyəsi 39,1 faizdir.

Hökumətin üç il əvvəl “Məşğuliyyət haqqında” qanunda dəyişiklik etməsi vəziyyəti bir qədər də gərginləşdirib. Qanun layihəsinə əsasən, işsizlik müavinəti ləğv edildi. Buna qədər Ermənistanda rəsmən qeydə alınmış işsizlərə 18 min dram, təxminən 35 manat aylıq müavinət verilirdi. Gənclərlə yanaşı, orta yaşlı vətəndaşlar da iş tapa bilmirlər. Bu isə etirazlara səbəb olur. İrəvanın mərkəzi meydanında Vardenisdən gəlmiş Armen Yeranosyan adlı işsiz vətəndaş isə aclıq elan edərək ağzını tikib.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.