MƏDƏNİYYƏT


“Euronews” Bakı caz festivalından süjet hazırlayıb VİDEO

A+ A

Bakı, 3 noyabr, AZƏRTAC

“Euronews” telekanalı Bakı caz festivalından süjet hazırlayıb.

AZƏRTAC xəbər verir ki, süjetdə Azərbaycan paytaxtında ənənəvi caz musiqi festivalının keçirildiyi vurğulanır, Bakının bu günlərdə ümumdünya caz mərkəzinə çevrildiyi qeyd olunur.

Bildirilir ki, builki festivalın proqramında 70-dən çox konsert yer alıb. Festivalda yerli musiqiçilərlə yanaşı, dünya şöhrətli ifaçılar da iştirak ediblər.

Süjetdə Azərbaycanın caz tarixinə də nəzər yetirilib. Qeyd olunur ki, Bakıda caz hələ İkinci Dünya müharibəsindən əvvəl - 1938-ci ildə yaranıb. İndi bu ənənəni Rain Sultanov və İsfar Sarabski kimi musiqiçilər davam etdirirlər.

“Festivala kiçikyaşlı musiqiçilər də qatılıblar. Onlar üçün xüsusi olaraq “Kids Jazz” (Uşaqlar üçün caz) proqramı təşkil olunub. On yaşlı saksafon ifaçısı Ləman Qasımova da onlardan biridir. O, üç ildir saksafonda ifa etdiyini deyir və peşəkar musiqiçi olmağı arzulayır”, - deyə süjetdə vurğulanır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.