MƏDƏNİYYƏT


Evian-İsmayıllı dostluğu Fransa mətbuatında

Paris, 7 iyul, AZƏRTAC

Fransanın “Le Dauphine Libere” (http://www.ledauphine.com) portalında, eləcə də Evian-Le–Bən şəhərinin saytında “Evian və İsmayıllı dostluğu daha da möhkəmlənir” və “İsmayıllı bağı açılıb” sərlövhəli məqalələr dərc edilib.

Məqalələrdə 2015-ci ildə iki şəhər arasında imzalanan dostluq və əməkdaşlıq xartiyası çərçivəsində Evianda “Azərbaycan parkı”nın, “Dostluq bulağı”nın açılışından, eləcə də Xurşidbanu Natəvanın büstünün Evianın mərkəzində, məşhur Leman gölü sahilində ucaldılmasından danışılır. Həmçinin Azərbaycanın görkəmli şairəsi Xurşidbanu Natəvanın bir neçə şərq dilini bilməsindən, fransız yazıçısı Aleksandr Düma ilə görüşündən söz açılır. X.Natəvanın doğma şəhəri Şuşaya İsa bulağından su xətti çəkdirməsi, ədəbi məclis yaratması diqqətə çatdırılır.

Evianın mərkəzində açılan parkın, bulağın və büstün iki şəhər arasında əlaqələrin daha da möhkəmlənməsinə xidmət edəcəyi bildirilir. Qeyd olunur ki, Xurşidbanu Natəvanın büstü Eviandan başqa, Bakıda, doğma şəhəri Şuşada və Belçikanın Vaterlo şəhərində ucaldılıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.