ELM VƏ TƏHSİL


Fənn olimpiadalarının yarımfinal mərhələsinin nəticələri məlumdur

Bakı, 18 mart, AZƏRTAC 

Təhsil Nazirliyi tərəfindən ölkənin bütün şəhər və rayonlarında keçirilən respublika fənn olimpiadalarının yarımfinal mərhələsinin nəticələri məlum olub.

Nazirlikdən AZƏRTAC-a bildiriblər ki, nəticələrə əsasən, fənn olimpiadalarının final mərhələsinə 534 şagird final tur üçün vəsiqə qazanıb.

Şagirdlərin nəticələri rayon (şəhər) təhsil şöbələrinə( idarələrinə) göndərilib. Olimpiada iştirakçıları nəticələrini oxuduqları məktəblərdən əldə edə bilərlər.

Final mərhələsində şagirdlər açıq tipli, isbat, izahat və həll tələb edilən sual və tapşırıqları yerinə yetirəcəklər.

Respublika fənn olimpiadalarının final turu apreldə keçiriləcək.

Qeyd edək ki, respublika fənn olimpiadalarının birinci - rayon(şəhər) mərhələsi yanvarın 15-də keçirilib. Bilik yarışında 30 minə yaxın şagird iştirak edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.