CƏMİYYƏT


Fərdi uçot sistemində qeydiyyatda olan əcnəbilərin sayı 32 500 nəfəri keçib

A+ A

Bakı, 16 avqust, AZƏRTAC

Əmək və Əhalinin Sosial Müdafiəsi Nazirliyi (ƏƏSMN) yanında Dövlət Sosial Müdafiə Fondunun (DSMF) fərdi uçot sisteminin əhatə etdiyi əcnəbilərin sayı artmaqda davam edir.

ƏƏSMN-in ictimaiyyətlə əlaqələr şöbəsindən AZƏRTAC-a verilən məlumata görə, cari ilin iyul ayında sistemdə daha 1 464 nəfər əcnəbiyə fərdi şəxsi hesab açılıb. Beləliklə də fərdi uçot sistemində qeydiyyatda olan xarici ölkə vətəndaşlarının sayı bu ilin 01 avqust tarixinə 32 531 nəfər təşkil edir ki, bu da ötən ilin müvafiq dövrü ilə müqayisədə 27 faiz çoxdur. Sistemdə qeydiyyatda olan əcnəbilərin 88,4 faizi kişilərdən, qalanları qadınlardan ibarətdir.

Fərdi şəxsi hesabı olan əcnəbilər sırasında Тürkiyə (15 108 nəfər), Gürcüstan (3 191 nəfər), Rusiya (1 859) vətəndaşları çoxluq təşkil edirlər. Həmçinin sistemdə Özbəkistan (1750), Hindistan (1 373), İran (1 025), Çin (902), Banqladeş (785), Pakistan (683), Birləşmiş Böyük Britaniya və Şimali İrlandiya (632), Ukrayna (529), Türkmənistan (312), Filippin (288), ABŞ (281), Almaniya (266), Qazaxıstan (249), İtaliya (213) və s. ölkələrin vətəndaşları qeydiyyatdadır. Sistemin əhatə etdiyi əcnəbilər ümumilikdə 120 ölkəni təmsil edirlər.

Azərbaycanda əmək fəaliyyəti ilə məşğul olan, ölkəmizin mənbələrindən əmək ödənişi və məcburi dövlət sosial sığorta haqqına cəlb olunan digər gəlirləri əldə edən əcnəbilər üçün fərdi şəxsi hesab açılması ölkə vətəndaşları kimi onların da gələcək sosial təminat və pensiya hüquqlarının formalaşmasına imkan yaradır.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.