DÜNYA


Fevralın 17-də Yaponiyanın bir sıra rayonlarında gözlənilməz isti hava şəraiti müşahidə olunub

Tokio,17 fevral, AZƏRTAC.

Fevralın 17-də Tokioda və Yaponiyanın bir sıra regionlarında cənubdan gələn şiddətli küləklər nəticəsində ilin bu vaxtı üçün gözlənilməz isti hava şəraiti müşahidə olunub.

Yaponiya Meteorologiya Agentliyinin yaydığı məlumata əsasən, atmosfer təzyiqinin həddindən artıq aşağı düşməsi Yaponiyanın Sakit okean sahillərində güclü cənub küləyi əmələ gətirib. Bəzi yerlərdə küləyin sürəti saatda 80 kilometrə çatıb.

Tokionun mərkəzi rayonlarında termometrlərin civə sütunu müsbət 19 dərəcəyədək qalxıb. Yaponiyanın bəzi qərb rayonlarında günorta vaxtı havanın temperaturu müsbət 20 dərəcəni keçib. Yaponiyada belə isti hava şəraiti adətən aprelin sonu, mayın əvvəllərində müşahidə olunur.

Meteoroloqlar əhalini güclü küləkdən və torpaq sürüşmələrindən qorunmağa çağırıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.