MƏDƏNİYYƏT


Filarmoniyada “Gənclərə dəstək” adlı layihə çərçivəsində növbəti konsert proqramı

A+ A

Bakı, 15 noyabr, AZƏRTAC

Noyabrın 17-də M.Maqomayev adına Azərbaycan Dövlət Filarmoniyasında “Gənclərə dəstək” adlı layihə çərçivəsində növbəti konsert proqramı təşkil olunacaq.

Filarmoniyadan AZƏRTAC-a bildirilib ki, konsert proqramı Q.Qarayev adına Azərbaycan Dövlət Kamera Orkestrinin müşayiəti ilə reallaşacaq. Orkestrə Xalq Artisti, dirijor Teymur Göyçayev rəhbərlik edəcək. Konsertdə tanınmış solist Aytən İbrahimova pianoda bir sıra Azərbaycan və dünya bəstəkarlarının əsərlərindən ibarət musiqi kompozisiyaları səsləndirəcək.

Qeyd edək ki, sözügedən layihə respublikanın tanınmış istedadlı gənc ifaçılarına dəstək olmaq məqsədilə təşkil olunur.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.