MƏDƏNİYYƏT


Filarmoniyada Milli Qurtuluş Günü qeyd ediləcək

Bakı, 10 iyun, AZƏRTAC

15 iyun - Milli Qurtuluş Günü M.Maqomayev adına Azərbaycan Dövlət Filarmoniyasında da qeyd ediləcək.

Filarmoniyadan AZƏRTAC-a bildirilib ki, iyunun 13-də respublikanın tanınmış elm, mədəniyyət və incəsənət xadimlərinin iştirakı ilə tədbir keçiriləcək.

Mədəniyyət və Turizm Nazirliyinin dəstəyi və filarmoniyanın təşkilatçılığı ilə gerçəkləşəcək tədbir Q.Qarayev adına Azərbaycan Dövlət Kamera Orkestrinin müşayiət etdiyi konsert proqramı ilə davam edəcək.

Xalq Artisti Teymur Göyçayevin dirijorluq etdiyi orkestr Azərbaycan bəstəkarlarının əsərlərindən ibarət kompozisiyalara müraciət edəcək, həmçinin respublikanın tanınmış ifaçıları tərəfindən xalq və bəstəkar mahnıları səsləndiriləcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.