DÜNYA


Filippin Prezidenti hərbi vəziyyətin əleyhdarlarını həbslə hədələyib

Tokio, 2 iyul, AZƏRTAC

Filippin Prezidenti Rodriqe Duterte Maravi şəhərində qarşıdurma ilə əlaqədar tətbiq olunan hərbi vəziyyətin əleyhdarlarını həbslə hədələyib.

Gələn həftə ölkənin Ali Məhkəməsi hərbi vəziyyətin qanuniliyi ilə bağlı qərar verməlidir. Prezident R.Duterte bildirib ki, o, ölkədə Konstitusiya nəzarətini həyat keçirən məhkəmənin qərarı ilə hesablaşmayacaq və yalnız hərbçilərin tövsiyələrini dinləyəcək.

R.Duterte deyib: “Bu, Ali Məhkəmənin istəyindən asılı deyil. Mən onlara inanmalıyammı? Əgər mən vəziyyətin xaotik xarakter aldığını görürəmsə və siz məndən hərbi vəziyyətin aradan qaldırılmasını istəyirsinizsə, o zaman mən sizi həbs edərək, qəfəsə salaram. Biz sizinlə danışıqlar apararaq, kompromisə gələ bilərik. Lakin bu, ölkəmin maraqlarının oyuna qoyulduğu bir anda mümkün deyil”.

Xatırladaq ki, R.Duterte mayda ölkənin cənubunda yerləşən Mindanao əyalətində hərbi vəziyyət elan edib. Döyüşlərin daha gərgin xarakter aldığı Maravi şəhərində təqribən 500 yaraqlının olduğu bildirilir.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.