DÜNYA


Filippində 19 dinc sakin öldürülüb

Bakı, 28 may, AZƏRTAC

Filippində İŞİD terror qruplaşmasını dəstəkləyən silahlılar 19 dinc sakini öldürüb.

AZƏRTAC xəbər verir ki, hökumət qüvvələri ilə terrorçular arasında baş verən toqquşmalarda ümumilikdə 85 nəfər həlak olub. Bu barədə RİA Novosti France Press agentliyinə istinadla məlumat yayıb.

Filippinin hökumət rəsmilərinin məlumatına görə, dinc sakinlərin öldürülməsi halı Maravi şəhərində baş verib. Məhz bu ərazidə hazırda toqquşmalar davam edir. Həlak olanlar arasında 3 qadın və bir uşaq var. Meyitlər hərbçilər tərəfindən şəhərdəki universitet yaxınlığında tapılıb.

Qeyd edək ki, Filippin prezidenti Rodriqo Duterte mayın 24-ü hərbçilər və İŞİD terror qruplaşmasını dəstəkləyən terrorçular arasında silahlı toqquşmalardan sonra Mindanao əyalətində hərbi vəziyyət elan edib. Bu müddət ərzində 13 silahlı öldürülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.