DÜNYA


Filippində güclü sualtı zəlzələ olub

Tokio, 11 yanvar, AZƏRTAC

Sulavesi dənizinin Filippin sahillərində 7,2 bal gücündə zəlzələ baş verib. Zəlzələ böyük dərinlikdə baş verdiyinə görə ciddi dağıntılara və sunamiyə səbəb olmayıb.

Filippin Vulkanologiya və Seysmologiya İnstitutunun əməkdaşı Renato Solidum bildirib ki, dəniz səthindən 625 kilometr dərinlikdə yerləşən okean plitələrinin hərəkəti nəticəsində baş verən təkanlar ölkənin cənubunda yerləşən General Santos şəhərində hiss olunub. Zəlzələnin episentri Sulu əyalətindən 223 kilometr cənub-şərqdə yerləşib. Bununla yanaşı, təkrar təkanların baş verəcəyi də gözlənilir.

R.Solidum əlavə olaraq deyib ki, həmin ərazilərdə dərin sularda yeraltı təkanlar nadir hallarda baş versə də, keçmişdə belə hadisələr dəfələrlə qeydə alınıb.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.