DÜNYA


Filippində ilk dəfə gül formasında günəş elektrik stansiyası quraşdırılıb

Bakı, 10 avqust, AZƏRTAC

Filippinin Lupa şəhərində məktəb meydançası yaxınlığında ölkədə ilk gül formasında nəhəng günəş elektrik stansiyası quraşdırılıb.

AZƏRTAC beynəlxalq “Eco-Business” jurnalına istinadla xəbər verir ki, konstruksiyanı avstriyalı mütəxəssislər düzəldiblər. Elektrik stansiyası intellektual texnologiyalara əsaslanır və ənənəvi günəş elektrik stansiyalarından 40 faiz daha çox enerji istehsal edir. Məktəbin rəhbərliyi bu addımla digər müəssisələrə nümunə olaraq “yaşıl” texnologiyalardan istifadə etməyi təşviq edir.

Yeni günəş elektrik stansiyası gül formasında olan 12 günəş panelindən ibarətdir. Bu xüsusi qurğu Günəşin hərəkət sisteminə uyğun olaraq öz istiqamətini dəyişir.

Günəş elektrik stansiyası ildə 3400 kVt/saatdan 6200 kVt/saatadək elektrik enerji istehsal etmək gücünə malikdir. Bu, orta statistik təsərrüfatın elektrik ehtiyacını ödəməyə imkan verir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.