DÜNYA


“Formula-1” sahibini dəyişdi

A+ A

Bakı, 8 sentyabr, AZƏRTAC

ABŞ-ın “Liberty Media” kompaniyası 4,4 milyard dollar ödəyərək “Formula-1” dünya çempionatının sahibi olub.

AZƏRTAC Euronews telekanalına istinadla xəbər verir ki, sövdələşmə 2017-ci ilin birinci rübünün sonuna qədər yekunlaşmalıdır. Bununla yanaşı, “Liberty Media” Berni Ekklstounun “Formula-1” yarışmasının prezidenti postunda qalacağını qeyd edib.

“Formula-1” çempionatının aktivləri 8 milyard dollara qiymətləndirilsə də, sövdələşmə zamanı 4,1 milyard dollar həcmində borc da nəzərə alınıb.

“Liberty Media” Atlantanın basketbol klubu da daxil olmaqla, əyləncə və idman sahəsində fəaliyyət göstərən bir neçə kompaniyada ortaq paya malikdir. Şirkətin icraçı direktorunun sözlərinə görə, “Liberty Media” idman sahəsində aktivlərin idarəsi baxımından təcrübəsi sayəsində “Formula-1” yarışını gözəl idarə edə bilər.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.