CƏMİYYƏT


Fövqəladə Hallar Nazirliyinin əməkdaşı beynəlxalq turnirin qalibi olub

Bakı, 12 may, AZƏRTAC

Naxçıvan şəhərində ulu öndər Heydər Əliyevin anadan olmasının 94-cü ildönümünə həsr olunmuş pauerliftinq üzrə beynəlxalq yarış keçirilib.

Fövqəladə Hallar Nazirliyinin mətbuat xidmətindən AZƏRTAC-a bildiriblər ki, yarışda nazirliyin idman-sağlamlıq klubunu təmsil edən Xüsusi Riskli Xilasetmə Xidmətinin əməkdaşı Rövşən Xəlilov iştirak edib. O, üç hərəkətin cəmində 600 kiloqram nəticə göstərərək öz şəxsi rekordunu yeniləyib və birinci yerə çıxaraq çempion adını qazanıb.

İdmançını gənclər və idman nazirinin müavini İsmayıl İsmayılov, Naxçıvan Muxtar Respublikasının gənclər və idman naziri Azad Cabbarov, Azərbaycan Pauerliftinq Federasiyasının prezidenti Ələddin Əliyev, Dünya Pauerliftinq Federasiyasının (WPC) prezidenti Marks Smit və yığma komandanın baş məşqçisi Şəmsi Bayramov təbrik edərək uğurlar arzulayıblar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.