DÜNYA


Fransa parlamenti tarixində rekord: yeni seçilən deputatların 223-ü qadındır

Paris, 19 iyun, AZƏRTAC

Fransada keçirilən son parlament seçkilərində qadınların sayı rekord həddə - 223-ə çatıb. İndiyədək Fransada qanunverici orqana seçilən qadınların sayı 155-dən çox olmayıb.

Yeni formalaşacaq parlamentdə qadın deputatların 47 faizi “İrəli, Respublika” hərəkatını, 46 faizi Demokratik Hərəkat partiyasını, 38 faizi Sosialistləri, 25 faizi Milli Cəbhəni, 23 faizi Respublikaçıları, 20 faizi Kommunistləri, 17 faizi Müstəqillər və Demokratlar Birliyini təmsil edəcək.

Fransa Daxili İşlər Nazirliyinin iyunun 19-da yaydığı məlumata əsasən, “İrəli, Respublika” hərəkatı 42,82, Respublikaçılar 22,33, Milli Cəbhə 8,95, Demokratik Hərəkat 6,11, Sosialistlər 5,62, “Fəth edilməyən Fransa” 4,70 faiz, Müstəqillər və Demokratlar Birliyi 3,09, sağçı partiyalar 1,72, solçu partiyalar 1,41, Kommunist partiyası 1,24 faiz, Regionçular partiyası 0,78, radikal sollar 0,37, Ekolojistlər 0,11, radikal sağçılar 0,11, digər kiçik partiyalar isə 0,53 faiz səs toplayıb.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.