DÜNYA


Fransa polisi Nitsada terror aktı törədən şəxs barədə məlumatlı olub

A+ A

Bakı, 15 iyul, AZƏRTAC

İyulun 14-də - Fransanın milli bayramı günündə Nitsada keçirilən tədbir zamanı törədilən terror aktının icraçısı müəyyənləşib. Otuz bir yaşlı terrorçunun Tunis əsilli Fransa vətəndaşı olduğu bildirilir.

AZƏRTAC xarici KİV-lərə istinadla xəbər verir ki, Nitsadakı terrorun icraçısı haqda polis məlumatlı olsa da, kəşfiyyat xidmətlərinə onunla bağlı informasiya verilməyib.

Xatırladaq ki, iyunun 14-də axşam saatlarında Fransanın Nitsa şəhərində sürücü yük avtomobilini küçədə bayram şənliyi ilə əlaqədar gəzintiyə çıxan insanların üzərinə sürüb. Şahidlərin ifadəsinə görə, yük maşını dayanmadan ziqzaqvari hərəkət edərək təxminən 2 kilometr məsafədə insanları əzib. Bundan sonra terrorçu polis əməkdaşları ilə atışmağa başlayıb və öldürülüb.

Son məlumata əsasən, insident nəticəsində həlak olanların sayı 84-ə çatıb, 18 nəfərin vəziyyəti isə ağır qiymətləndirilir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.