DÜNYA


Fukui prefekturasındakı AES-də daha bir nüvə reaktorunun işi bərpa olunub

Tokio, 7 iyun, AZƏRTAC

Yaponiyanın mərkəzində yerləşən Fukui prefekturasındakı atom elektrik stansiyasında (AES) daha bir nüvə reaktorunun fəaliyyəti bərpa olunub. Beləliklə, bütün ölkə üzrə fəaliyyətini bərpa edən reaktorların ümumi sayı beşə çatıb.

Fəaliyyəti iyunun 6-da bərpa olunan “Takahama” AES-in 3 nömrəli reaktoru oksid qarışıqlı nüvə yanacağı ilə işləyir.

Bu AES-in 3 və 4 nömrəli reaktorları ötən ilin martında məhkəmənin qərarı ilə dayandırılıb. Lakin daha yüksək instansiyalı məhkəmə əvvəlki qərarı ləğv edib və 4 nömrəli reaktor mayda yenidən işə salınıb.

AES-in operatoru olan “Kansai Power Co.” şirkətinin bildirdiyinə görə, 3 nömrəli reaktor iyunun 7-də səhər böhran həddinə çatacaq. Cümə günü isə enerji istehsalı və ötürülüşü bərpa olunacaq.

İyulun əvvəlində reaktor kommersiya istehsalına keçdikdən sonra şirkət elektrik enerjisinin qiymətini endirməyi planlaşdırır.

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.