İDMAN


Futbol üzrə Azərbaycan milli komandasının heyəti açıqlanıb

A+ A

Bakı, 4 oktyabr, AZƏRTAC

Azərbaycan millisinin dünya çempionatının seçmə mərhələsi üçün heyəti açıqlanıb.

AZƏRTAC xəbər verir ki, baş məşqçi Robert Prosineçki 2018-ci il dünya çempionatının seçmə mərhələsi çərçivəsində keçiriləcək növbəti iki oyun üçün 23 futbolçuya dəvət göndərib.

Xorvatiyalı mütəxəssis oktyabrın 8-də Bakıda Norveç, 3 gün sonra isə Ostrava şəhərində Çexiya ilə qarşılaşacaq millidə “Qarabağ”ın futbolçularına daha çox – yeddi yer verib. Yığmada “İnter” beş, “Neftçi” və “Qəbələ” hərəyə iki, “Zirə” isə bir oyunçu ilə təmsil olunacaq. Premyer Liqa klublarından üçü – “Sumqayıt”, “Kəpəz” və AZAL isə milliyə futbolçu verməyib.

Komandamızın heyətində ölkə xaricində çıxış edən 6 futbolçu var. Onlardan ikisi Portuqaliya klubunu təmsil edirsə, Almaniya, İspaniya, Türkiyə və Ukraynadan bir oyunçu cəlb edilib.

Prosineçkinin siyahısında yeni ad olmasa da, Rauf Əliyevin yığmaya qayıdışı diqqət çəkir. Son seçmə matçında heyətə cəlb olunanlardan Elvin Məmmədov, Əfran İsmayılov və Mahir Mədətov bu dəfə siyahıdan kənarda qalıb.

Heyətdə qapıçılar - Kamran Ağayev (“Boavişta”, Portuqaliya), Anar Nəzirov (“Zirə”), Səlahət Ağayev (“İnter”), müdafiəçilər - Tərlan Quliyev (“İnter”), Maksim Medvedev, Bədavi Hüseynov, Rəşad Sadıqov, Arif Daşdəmirov (hamısı “Qarabağ”), Pavel Paşayev (“Stal”, Ukrayna), Məhəmməd Mirzəbəyov (“Qəbələ”), yarımmüdafiəçilər - Ruslan Abışov (“İnter”), Rahid Əmirquliyev, Qara Qarayev (hamısı “Qarabağ”), Dmitri Nazarov (“Aue”, Almaniya), Rəhman Hacıyev, Araz Abdullayev (hər ikisi “Neftçi”), Eddi İsrafilov (“Kadis”, İspaniya), Emin Mahmudov (“Boavişta”, Portuqaliya), hücumçular - Ağabala Ramazanov, Rauf Əliyev (hər ikisi “İnter”), Ruslan Qurbanov (“Qəbələ”), Namiq Ələsgərov (“Qarabağ”), Ramil Şeydayev (“Trabzonspor”, Türkiyə) yer alıblar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.