İDMAN


Futbol üzrə Çin yığmasının baş məşqçisi istefa verib

A+ A

Bakı, 12 oktyabr, AZƏRTAC 

Carı ilin fevralında futbol üzrə Çin milli komandasında baş məşqçi postuna gətirilən Qao Humbo istefa verib.

AZƏRTAC xəbər verir ki, çalışdırıcı 2018-ci il dünya çempionatı seçmə mərhələsi çərçivəsində komandasının Asiya qrupunda üzləşdiyi son məğlubiyyətdən sonra bu addımı atıb. Son turda Özbəkistan doğma meydanda Çinə 2:0 hesabı ilə qalib gəlib.

“Qərarımı Çin Futbol Assosiasiyasınin rəhbərliyi ilə əvvəlcədən müzakirə etmişdim. Bildirmişdim ki, əgər son görüşdə milli komanda müsbət nəticə əldə etməzsə, bu postu tərk edəcəyəm”, - deyə Humbo diqqətə çatdırıb.

Qeyd edək ki, Çin yığması seçmə mərhələdə dörd turdan sonra cəmi bir xalla sonuncu pillədə qərarlaşıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.