İDMAN
Futzal üzrə Azərbaycan millisinin Moldova ilə yoldaşlıq oyunlarındakı heyəti müəyyənləşib
Bakı, 28 mart, AZƏRTAC
Futzal üzrə Azərbaycan milli komandasının Moldova yığması ilə keçirəcəyi iki yoldaşlıq oyununda çıxış edəcək heyəti müəyyənləşib.
AZƏRTAC xəbər verir ki, baş məşqçi Biro Jade hər iki görüşdə heyətə Rövşən Hüseynli, Elnur Zamanov, Anar Məmmədov, Faiq Əliyev, Fərid Atakişiyev, Xətai Bağırov, Everton Kardosa, Fineo de Araujo, Rizvan Fərzəliyev, Namiq Məmmədkərimov, Eduardo Mello Borges, Villiams Oliveira Do Nascimento, Tyaqo Teles Martins, İsa Atayev və Oqtay Rüstəmlini daxil edib.
Qeyd edək ki, martın 29-da və 30-da Bakı İdman Sarayında təşkil olunacaq hər iki qarşılaşma saat 18:30-da başlayacaq.
Futzal üzrə yığmamız apreldə Avropa çempionatının əsas seçmə mərhələsinin Bakıda keçiriləcək ikinci qrupunun oyunları çərçivəsində Bosniya və Herseqovina, Albaniya və Macarıstan komandaları ilə “Avro-2018”in final mərhələsinə vəsiqə qazanmaq uğrunda mübarizə aparacaq.