REGİONLAR


Füzuli Dövlət Dram Teatrı Yeni il qabağı uşaqları “Qış möcüzəsi” adlı şou-proqramla sevindirəcək

A+ A

Füzuli, 2 dekabr, AZƏRTAC

Füzuli Dövlət Dram Teatrı uşaqları Yeni il münasibətilə “Qış möcüzəsi-2” adlı şou-proqramla sevindirəcək.

AZƏRTAC xəbər verir ki, dekabrın 15-dən etibarən teatrın binasında, həmçinin rayonun işğaldan azad olunmuş kəndlərində və məcburi köçkünlər üçün salınmış qəsəbələrdə təqdim olunacaq proqramın ssenari müəllifi teatrın direktoru, Əməkdar Mədəniyyət İşçisi Vaqif Vəliyev və ədəbi hissə müdiri Əfsanə Kərimova, quruluşçu rejissoru Asif Şirinovdur. Müxtəlif nağıl və cizgi filmi qəhrəmanlarının, Şaxta baba və Qar qızın başına gələn maraqlı qış əhvalatlarının yer aldığı proqramda uşaqların əylənməsi, Yeni il bayramını daha yaddaqalan və maraqlı keçirmələri üçün müxtəlif oyunlar təşkil olunacaq.

Hazırda teatrda “Qış möcüzəsi-2” adlı şou-proqramın məşqləri gedir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.