CƏMİYYƏT


Füzuli rayonunda əkin sahəsində tank əleyhinə minanın gövdəsi aşkarlanıb

Bakı, 21 aprel, AZƏRTAC

Aprelin 21-də Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) ekspertləri Fövqəladə Hallar Nazirliyinin Böhran Vəziyyətlərində İdarəetmə Mərkəzinin və Daxili İşlər Nazirliyinin “102” xidməti-zəng mərkəzi sisteminin məlumatları əsasında Füzuli rayonunun Qaraxanbəyli kəndində minalardan təmizləmə əməliyyatı aparıblar.

ANAMA-dan AZƏRTAC-a bildiriblər ki, əməliyyat nəticəsində bir əkin sahəsinə baxış keçirilib, 1 tank əleyhinə “TM-62M” minasının boş gövdəsi aşkar edilərək götürülüb. Ümumilikdə 670 kvadratmetr ərazi yoxlanılıb.

Yanvarın 1-dən aprelin 21-dək agentlik tərəfindən 5132 partlamamış hərbi sursat, tank əleyhinə 107 mina və piyada əleyhinə 9 mina aşkar olunaraq zərərsizləşdirilib. Cəmi 2 milyon 104 min 871 kvadratmetr ərazi yoxlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.