REGİONLAR


Füzuli rayonunda yeni aqropark yaradılır VİDEO

Füzuli, 3 iyul, Tahir Ağaməmmədov, AZƏRTAC

Füzuli rayonu ərazisində yeni aqroparkın yaradılmasına başlanılıb.

Layihə rəhbəri Rəcəb Orucov AZƏRTAC-a bildirib ki, “Füzuli Aqropark”ın yaradılmasında əsas məqsəd ölkəmizdə idxaldan asılılığın azaldılması, ərzaq təhlükəsizliyinin təmin olunması üçün strateji əhəmiyyətli kənd təsərrüfatı məhsullarının yetişdirilməsidir.

2700 hektar ərazini əhatə edəcək aqroparkda müasir pivot suvarma sistemi qurulacaq. Aqroparkın su təminatı Yuxarı Mil kanalı vasitəsilə həyata keçiriləcək. Birinci mərhələdə 1000 hektar sahə istifadəyə veriləcək ki, burada ölkəmizin strateji maraqlarına uyğun olaraq soya, qarğıdalı, taxıl, pambıq və digər bitkilər becəriləcək. Aqroparkın ərazisində, həmçinin 1000 başlıq müasir intensiv südlük istiqamətli heyvandarlıq kompleksi də yaradılacaq. “Füzuli Aqropark”ın yaradılması layihəsinin icrasında İqtisadiyyat Nazirliyinin Sahibkarlığa Kömək Milli Fondunun vasitəsilə dövlətin güzəştli kreditlərindən istifadə olunacaq.

Artıq layihənin icra olunduğu əraziyə 11 ədəd pivot sistem gətirilib. İnfrastrukturun yaradılmasına, pivotların montaj işlərinə başlanılıb. Layihənin həyata keçirildiyi ərazidəki təsərrüfat subyektləri ilə müqavilələr bağlanılıb, inventarizasiya aktları tərtib olunub. Onlara kompensasiya verilir və əmlakları müvafiq yerə köçürülür.

Aqroparkın yaradılması, eyni zamanda, məcburi köçkün ailələrin iş təminatı ilə bağlı sosialyönümlü bir layihədir. Belə ki, aqroparkın istifadəyə verilməsi ilə 80-ə yaxın məcburi köçkün işlə təmin olunacaq.

Layihənin birinci hissəsinin bu il, bütövlükdə isə 2018-ci ildə başa çatdırılması nəzərdə tutulur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.