REGİONLAR


Füzulidə aztəminatlı ailələrə Qurban payları verilib

A+ A

Füzuli, 12 sentyabr, AZƏRTAC 

Milli-mənəvi həmrəyliyin, xeyirxah əməllərin, şəfqət və mərhəmət duyğuların rəmzi olan Qurban bayramı İslam dinində xüsusı mahiyyət və əhəmiyyət kəsb edir.

AZƏRTAC xəbər verir ki, respublikamızın bütün bölgələrində olduğu kimi, Füzuli rayonunda da Qurban bayramı qeyd olunub, xeyriyyə tədbirləri keçirilib.

Horadiz şəhərində qurbanlıq qoyunlar kəsilib, Qarabağ müharibəsi əlillərinə, şəhid ailələrinə və imkansız ailələrə bayram sovqatı paylanıb. Rayon icra hakimiyyətinin başçısı Alı Alıyev bu münasibətlə keçirilən tədbirdə çıxış edərək sakinləri mənəvi birliyin, saflıq və mərhəmətin rəmzi olan Qurban bayramı münasibətilə təbrik edib, onlara əmin-amanlıq, cansağlığı və ruzi-bərəkət arzulayıb.

İcra başçısı “N” saylı hərbi hissədə Vətənimizin keşiyində dayanan əsgər və zabitləri də Qurban bayramı münasibətilə təbrik edərək onlara qurban sovqatları təqdim edib.

Bayram münasibətilə rayonun kəndlərin də qurbanlıqlar kəsilib, aztəminatlı ailələrə paylanıb.

Sakinlər göstərilən diqqət və qayğıya görə ölkə başçısına minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.