İDMAN


“Galatasaray” klubu UEFA Avropa Liqasının qalibi olmuş braziliyalı futbolçunu transfer edib

Bakı, 30 iyun, AZƏRTAC

Türkiyənin “Galatasaray” klubu yay fasiləsində növbəti transferini edib.

AZƏRTAC klubun rəsmi saytında istinadla xəbər verir ki, “sarı qırmızılar” Braziliyanın “San Paulu” komandasının müdafiəçisi Maykon Pereyra Rokeni heyətinə qatıb. İyirmi səkkiz yaşlı futbolçu ilə dördillik müqavilə imzalanıb.

Braziliyalı futbolçunun bu vaxtadək çıxış etdiyi Cənubi Amerika klubuna 7 milyon avro ödənəcək. Müdafiəçi “Qalatasaray”da ildə 2,2 milyon avro qazanacaq.

Qeyd edək ki, 2009-2016-cı illərdə “Portu” klubunda çıxış edən Maykon bu komandanın heyətində Portuqaliya çempionatının və Super kubokunun, eləcə də UEFA Avropa Liqasının qalibi olub. Futbolçu ötən mövsüm transfer olduğu “Sao Paulo”nun heyətində isə Braziliya çempionatında 51 matçda forma geyinib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.