CƏMİYYƏT


Gecə işləyən adamlarda onkoloji xəstəliklərin inkişaf riski artır

A+ A

Bakı, 13 avqust, AZƏRTAC

Ostində Texas Universitetinin alimləri bildiriblər ki, gecə vaxtı işləmək sağalmaz xəstəliklərin yaranmasına səbəb ola bilər.

AZƏRTAC “informing.ru” saytına istinadla xəbər verir ki, alimlər sutkanın gecə vaxtını işləyən adamlarda bioritmin pozulmasını və bunun nəticəsində orqanizmin öz gücünü tam bərpa etməməsini sübut ediblər. Hətta gündüz vaxtı ən uzunmüddətli yuxu belə gecə oyaq qalmağın pis təsirini neytrallaşdıra bilmir. Mütəxəssislər bildirirlər ki, gündüz yuxusu orqanizmin yorğunluğunu aradan qaldırmır. Bioritmlərin pozulması orqanizmi yeni rejimə keçməyə məcbur edir. Bu, fizioloji proseslərin pozulmasına şərait yaradır ki, nəticədə hormonların yaranması dayanır.

Tədqiqat müəllifləri xəbərdarlıq edirlər ki, gecə işləyən insanlarda onkoloji xəstəliklərin inkişaf riski artır. Onlarda maddələr mübadiləsi problemi yarana bilər və ürək-damar sistemi xəstəlikləri inkişaf edə bilər. Alimlər bildirirlər ki, həmçinin gecə növbələri müxtəlif psixoloji problemlərə, o cümlədən depressiyaya şərait yarada bilər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.