MƏDƏNİYYƏT


Gənc Tamaşaçılar Teatrında yeni tamaşanın məşqlərinə başlanılıb

Bakı, 11 yanvar, AZƏRTAC

Azərbaycan Dövlət Gənc Tamaşaçılar Teatrının yaradıcı heyəti Yeni ilin ilk tamaşasının məşqlərinə başlayıb.

Teatrın mətbuat xidmətindən AZƏRTAC-a bildirilib ki, Əməkdar İncəsənət Xadimi, dramaturq Əli Əmirlinin “Ünvansız qatar” pyesi əsasında hazırlanan tamaşa Əməkdar İncəsənət Xadimi Bəhram Osmanovun quruluşunda təqdim olunacaq. Tamaşada rolları Xalq Artisti Tariyel Qasımov, əməkdar artistlər Lətifə Əliyeva, Qurban İsmayılov, Şəfəq Əliyeva, Nəsibə Eldarova və başqaları ifa edəcəklər.

Tamaşanın quruluşçu rəssamı Sona Qarayeva, musiqi tərtibatçısı Zaur Rəşidovdur.

Premyerası martın 31-də keçiriləcək səhnə əsəri ata-baba yurdundan didərgin düşmüş soydaşlarımızın faciəli və nisgilli həyat həqiqətlərindən bəhs edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.