MƏDƏNİYYƏT


Gənc Tamaşaçılar Teatrının aktyoru “Belarusfilm”dən dəvət alıb

Bakı, 20 iyul, AZƏRTAC

Azərbaycan Dövlət Gənc Tamaşaçılar Teatrının aktyoru İlham Əsədov “Belarusfilm”dən dəvət alıb.

Teatrdan AZƏRTAC-a bildirilib ki, aktyor kriminal janrda ekranlaşdırılacaq filmdə həbsxana nəzarətçisi obrazını canlandıracaq. İlham Əsədov yaradıcı heyətlə bağladığı müqaviləyə əsasən film haqqında ətraflı məlumat verməsə də, diqqətə çatdırıb ki, bu il avqustun 5-dən çəkilişləri başlanacaq ekran əsərinin 2018-ci ilin mayında nümayiş etdirilməsi planlaşdırılır.

Qeyd edək ki, aktyor iki il bundan əvvəl filmlə bağlı elan olunmuş kastinq nəticəsində yaradıcı heyət tərəfindən bəyənilib.

İlham Əsədov 1993-cü ildə Azərbaycan Dövlət Mədəniyyət və İncəsənət Universitetinin dram və kino aktyorluğu fakültəsini bitirib. 2003-cü ildən Gənc Tamaşaçılar Teatrında çalışır. 2016-cı ildə Rusiya Federasiyası Kalmıkiya Respublikasının Əməkdar Artisti fəxri adına layiq görülüb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.