MƏDƏNİYYƏT


Gənc rəssam Afət Bağırovanın fərdi rəsm sərgisi açılacaq

A+ A

Bakı, 14 sentyabr, AZƏRTAC

Sentyabrın 16-da Bakıda gənc rəssam Afət Bağırovanın retrospektiv fərdi rəsm sərgisi açılacaq.

AZƏRTAC xəbər verir ki, “Port Baku Mall”da gerçəkləşəcək sərgidə rəssamın müxtəlif mövzulu sənət əsərləri nümayiş olunacaq. Ekspozisiyaya təqdim olunacaq sənət əsərləri rəssamın 4 illik zəhmətinin bəhrəsidir. Rəssam əsərlərində vizual surətlərdən istifadə edərək anlayışımızda xaos yaradır. Hər əsərin dəqiq bir məna daşıması məcburiyyətində olmasına əmin olmağımız bizi məntiqi labirintə salır, rəssam isə bu labirinti sındırmağa cəhd edir. Onun əsərlərində heç bir hadisə izah olunmur.

Fırça ustası sənət əsərlərində ən çox müasir quraşdırmalar ilə eksperiment apararaq foto və video janrlarına üstünlük verir.

Qeyd edək ki, hər kəsin iştirak edə biləcəyi sərgi oktyabrın 2-dək davam edəcək.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.