MƏDƏNİYYƏT


Gənc solistlərin premyera konserti maraqla qarşılanıb

Bakı, 24 dekabr, AZƏRTAC

R.Behbudov adına Azərbaycan Dövlət Mahnı Teatrında “Gənc solistlərin premyera konserti” adlı konsert proqramı təşkil olunub.

AZƏRTAC xəbər verir ki, musiqili gecədə dünya şöhrətli argentinalı bəstəkar Astor Pyazzollanın tanqo musiqiləri ilə yanaşı, italiyalı bəstəkar Antonio Vivaldinin “İlin fəsilləri” adlanan klassik musiqi əsəri səslənib.

Bundan başqa, respublikanın tanınmış gənc ifaçıları tərəfindən dünya bəstəkarlarının klassik musiqi əsərləri ifa olunub.

Konserti gənc solistlərdən ibarət Bakı Solistləri Ansamblı müşayiət edib.

Bir-birindən maraqlı klassik musiqi nömrələrinin təqdim olunduğu konsert proqramı maraqla qarşılanıb.

Qeyd edək ki, layihənin rəhbəri gənc musiqişünas Emin Hüseynovdur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.