İQTİSADİYYAT


Gənc startapçılara patent sistemi barədə məlumat verilib

Bakı, 1avqust, AZƏRTAC 

Patent və Əmtəə Nişanları Mərkəzində “Azercell Telekom” MMC-nin korporativ sosial məsuliyyət çərçivəsində yaratdığı “Barama” İnnovasiya və Sahibkarlıq Mərkəzinin gənc startapçıları ilə görüş keçirilib.

Standartlaşdırma, Metrologiya və Patent üzrə Dövlət Komitəsinin mətbuat xidmətindən AZƏRTAC-a bildirilib ki, görüşdə gənc startapçılara patent sistemi, patentlə mühafizə olunan obyektlər, sənaye mülkiyyəti obyektlərinin qeydiyyatının vacibliyi, ondan iqtisadi cəhətdən faydalanmanın yolları, o cümlədən iddia sənədlərinin tərtib olunması qaydaları barədə məlumatlar verilib.

Həmçinin yerli patent idarəsi vasitəsilə sənaye mülkiyyəti obyektlərinin (əmtəə nişanı, ixtira, faydalı model, sənaye nümunəsi) dünyanın istənilən ölkəsində beynəlxalq qeydiyyatının həyata keçirilməsi qaydaları izah edilib.

Görüşdə patent alınması ilə bağlı müddətlər, rüsumlar, regional qurumlara iddia sənədinin verilməsi və əmtəə nişanları ilə bağlı startapçıları maraqlandıran suallar cavablandırılıb.

Qeyd olunub ki, “Barama” İnnovasiya və Sahibkarlıq Mərkəzi Azərbaycanda sahibkarlığın inkişafına dəstək vermək məqsədilə yaradılıb və informasiya texnologiyaları sahəsində hazırlanan layihələri və bu sahədə yaranmaqda olan şirkətləri – startapları dəstəkləyərək onların reallaşmasına köməklik göstərir, ideyaların biznesə çevirmələri üçün inkubasiya proqramları təqdim edir, həmçinin startapların individual ehtiyaclarının qarşılanmasını təmin edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.