RƏSMİ SƏNƏDLƏR
Gəncə Apellyasiya Məhkəməsi hakimlərinin təyin edilməsi haqqında
Azərbaycan Respublikası Milli Məclisinin Qərarı
Azərbaycan Respublikası Konstitusiyasının 95-ci maddəsinin I hissəsinin 10-cu bəndinə, 132-ci maddəsinin II hissəsinə, “Məhkəmələr və hakimlər haqqında” Azərbaycan Respublikası Qanununun 94-cü maddəsinin ikinci hissəsinə və 97-ci maddəsinin ikinci hissəsinə uyğun olaraq, Azərbaycan Respublikası Prezidentinin təqdimatına əsasən Azərbaycan Respublikasının Milli Məclisi qərara alır:
1. 2017-ci il iyulun 16-da səlahiyyət müddəti bitən aşağıdakı hakimlər Gəncə Apellyasiya Məhkəməsinin hakimləri təyin edilsinlər:
Tapdıq Şükür oğlu Mahmudov,
Çingiz Böyükxan oğlu Məmmədov.
2. 2017-ci il iyulun 28-də səlahiyyət müddəti bitən aşağıdakı hakimlər Gəncə Apellyasiya Məhkəməsinin hakimləri təyin edilsinlər:
Şəfiqə Musa qızı Əliyeva,
Əlizamin Gülzalı oğlu Abdullayev.
3. Aşağıdakı hakimlər vəzifələri dəyişdirilərək Gəncə Apellyasiya Məhkəməsinin hakimləri təyin edilsinlər:
Nuru Nadir oğlu Quliyev,
Ədil İsa oğlu Məmmədov.
4. Bu Qərarın 1-ci bəndi 2017-ci il iyulun 16-dan, 2-3-cü bəndləri 2017-ci il iyulun 28-dən qüvvəyə minir.
Bakı şəhəri, 30 iyun 2017-ci il.