REGİONLAR


Gəncə şəhərində məskunlaşmış laçınlı məcburi köçkünlərlə görüş olub

A+ A

Ağcabədi, 20 avqust, AZƏRTAC

Laçın Rayon İcra Hakimiyyətinin nümayəndələri Gəncə şəhəri Kəpəz rayonu ərazisindəki məcburi köçkünlər üçün istifadəyə verilmiş yeni qəsəbədə məskunlaşmış həmyerliləri ilə görüşüb, onların qayğı və problemləri ilə maraqlanıblar.

AZƏRTAC xəbər verir ki, görüşdə rayon icra hakimiyyəti aparatının məsul işçiləri, idarə, müəssisə, təşkilat rəhbərləri, ərazi icra nümayəndələri iştirak ediblər.

Tədbirdə çıxış edən Laçın Rayon İcra Hakimiyyətinin başçısı Aqil Nəzərli məcburi köçkünlərə göstərilən dövlət qayğısından, onların problemlərinin həlli, sosial rifah və mənzil-məişət şəraitlərinin yaxşılaşdırılması istiqamətində həyata keçirilən tədbirlərdən danışıb.

Qəbul-görüşdə 70 nəfər iştirak edib, 10 nəfərin müraciəti dinlənilərək, baxılması üçün aidiyyəti üzrə müvafiq tapşırıqlar verilib.

Məcburi köçkünlər onlara göstərilən diqqət və qayğıya görə dövlətimizin başçısına minnətdarlıqlarını bildiriblər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.