REGİONLAR


Gəncəbasar arıçıları bal süzümünə başlayıblar

Gəncə, 5 iyul, Rauf Hacıyev, AZƏRTAC

Bu il əlverişli keçən hava şəraiti min bir dərdin dərmanı olan balın ötən illə müqayisədə daha çox tədarük edilməsinə şərait yaradıb.

Artıq Gəncəbasar bölgəsində bal süzümünə başlanılıb. Dağlıq ərazilərdə isə bu iş iyulun sonuna planlaşdırılır.

Gəncə Arıçılıq Mərkəzinin direktoru Allahverdi Seyidov AZƏRTAC-a bildirib ki, ötən illərdə hər arı ailəsindən 5-8 kiloqram bal toplandığı halda, bu il belə ailələrdən 10-12 kiloqram məhsul götürmək imkanı var.

Allahverdi Seyidov deyib ki, yaz fəslində gecələr nisbətən yağmurlu, gündüzlər isə isti olub. Eyni zamanda, bu il günəbaxan əkini sahələri 10 dəfə genişləndirilib. Həmçinin bal mövsümü yaxınlaşdıqca bu bitkinin çiçəkləməyə başlaması arıların nektar toplamasına müsbət təsir göstərib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.