CƏMİYYƏT


Gəncədə zirehdələn mərmi aşkarlanıb

Bakı, 16 iyun, AZƏRTAC

İyunun 16-da Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) ekspertləri Fövqəladə Hallar Nazirliyinin Böhran Vəziyyətlərində İdarəetmə Mərkəzinin məlumatına əsasən, Gəncə şəhərinin Kəpəz rayonunda bir ev və həyətyanı sahəyə baxış keçiriblər. Baxış zamanı bir ədəd 125 millimetrlik çapaltı oxvari zirehdələn mərmi (3BM-29) aşkarlanıb. Həmin sursat zərərsizləşdirilməsi üçün götürülüb. Yoxlanılan ərazi 500 kvadratmetr təşkil edib.

ANAMA-dan AZƏRTAC-a bildiriblər ki, agentlik tərəfindən yanvarın 1-dən iyunun 16-dək, ümumilikdə, 5777 partlamamış hərbi sursat, tank əleyhinə 191 mina və piyada əleyhinə 30 mina aşkarlanaraq zərərsizləşdirilib. Cəmi 4 milyon 154 min 228 kvadratmetr ərazi yoxlanılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.