CƏMİYYƏT


Gənclərimiz ABŞ-da təhsillə bağlı məlumatlandırılıblar

A+ A

Bakı, 21 oktyabr, Maqsud Dadaşov, AZƏRTAC

Oktyabrın 21-də Bakıda “Education USA” mərkəzinin təşkilatçılığı, ABŞ-ın Azərbaycandakı səfirliyinin və Beynəlxalq təhsil üzrə Amerika Şurasının birgə dəstəyi ilə “Amerika təhsil sərgisi” keçirilib.

AZƏRTAC xəbər verir ki, tədbirin təşkilinin məqsədi azərbaycanlı gəncləri ABŞ-da təhsil almaq imkanları ilə bağlı məlumatlandırmaqdır.

Sərgidə ABŞ-ın 14 universitetinin nümayəndələri iştirakçılara təmsil etdikləri ali təhsil müəssisələrinin proqramları və fəaliyyəti haqqında ətraflı məlumat verib, bu ölkənin ali təhsil ocaqları ilə bağlı material və bukletlər paylayıblar.

Tədbirdə iştirak edən, ABŞ-ın Azərbaycandakı səfiri bildirib ki, hazırda Amerikada 400 azərbaycanlı tələbə təhsil alır. Ölkəniz müstəqillik əldə etdikdən sonra ümumilikdə altı mindən çox azərbaycanlı tələbə ABŞ-ın müxtəlif proqramları vasitəsilə təhsil alıb. Bu tələbələr qazandıqları bilik sayəsində karyeralarında uğurlar qazana və Azərbaycanın inkişafına töhfələr verə bilərlər. ABŞ-ın universitetlərində təhsil alan tələbələr müxtəlif sahələrin sirlərinə yiyələnirlər.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.