SİYASƏT


Georgi Kvirikaşvili: Qardaş Azərbaycan ilə əlaqələrimiz strateji xarakter daşıyır

A+ A

Tbilisi, 7 noyabr, AZƏRTAC

Bizim qardaş Azərbaycan ilə ikitərəfli əlaqələrimiz bütün sahələrdə dinamik inkişaf edir. Bu əlaqələr hər iki dövlət üçün vacib, strateji xarakter daşıyır.

Bu sözləri jurnalistlərə müsahibəsində Gürcüstanın Baş naziri Georgi Kvirikaşvili deyib.

Baş nazir bildirib ki, Azərbaycan ilə ikitərəfli əlaqələrin dinamik inkişafı qlobal layihələrin reallaşmasında da mühüm rol oynayır. O deyib: “Bizim logistika, nəqliyyat daşınmaları, enerji daşıyıcıları, eləcə də hər iki dövlət üçün mühüm əhəmiyyət kəsb edən təhlükəsizlik sahəsində çox mühüm əməkdaşlığımız var. Eyni zamanda, yeni İpək yolu layihəsinin inkişafı bizim üçün çox vacibdir. Bu layihələr təkcə Azərbaycan və Gürcüstan üçün deyil, bütövlükdə region üçün mühüm əhəmiyyət kəsb edir. Ona görə də çalışırıq öz infrastrukturumuzu modernləşdirək, inkişaf etdirək ki, bu layihələri reallaşdıra bilək.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.