İDMAN


Gideon Yafet Memorialında klassik şahmat üzrə ilk beş partiya oynanılıb

A+ A

Bakı, 14 iyul, AZƏRTAC 

Qüdsdə sayca ikinci Gideon Yafet Şahmat Memorialında klassik şahmat üzrə ilk beş partiya keçirilib.

AZƏRTAC xəbər verir ki, beş turdan sonra “A” turnirində Azərbaycan təmsilçisi Arkadi Naydiç və rusiyalı şahmatçı Daniil Yuffa liderlik edir. Onların hər biri 4,5 xal toplayıb. Ukraynalı Aleksandr Bortnik onlardan 0,5 xal, on şahmatçı isə 1 xal geri qalır.

Altıncı turun püşkatmasına əsasən ağ fiqurlarla oynayacaq Arkadi Naydiç Daniil Yuffla qarşılaşacaq. İlk beş turda Azərbaycan təmsilçisi bir-birinin ardınca israilli şahmatçılar Peter Qokxvat, Aleksandr Kaspi, Avital Boruçovski, rusiyalı Semyon Dvoyrisə qalib gəlib, Tamir Nabati ilə oyunu heç-heçə qurtarıb.

Xatırladaq ki, “A” turnirində 50 şahmatçı, o cümlədən 12 qrossmeyster iştirak edir.

Gideon Yafet Memorialı İsveçrə sistemi üzrə 7 turda keçirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.