İDMAN


Gimnastlarımız tamblinq üzrə açıq Rusiya çempionatında müvəffəqiyyət qazanıblar

Bakı, 14 iyul, AZƏRTAC

Akrobatik cığırda tullanmalar üzrə Azərbaycan yığması tamblinq üzrə açıq Rusiya turnirində iştirak edib.

Azərbaycan Gimnastika Federasiyasından AZƏRTAC-a bildiriblər ki, turnir Krasnodar və Stavropolda keçirilib.

Gimnastlarımız turnirdə müvəffəqiyyət qazanıblar. Məsələn, yaşlı gimnastlar arasında yarışan Mixail Malkin bütün rəqiblərinə qalib gələrək birinci yeri tutub. Fərid Mustafayev 2001-2002-ci illər təvəllüdlü gimnastlar arasında bürünc medala sahib olub. Daha bir təmsilçimiz Tofiq Əliyev 2003-2004-cü illər təvəllüdlü gimnastların yarışında fərqlənərək, qızıl və gümüş medallar qazanıb. 2005-2006-cı illər təvəllüdlü gimnastların yarışlarında iştirak edən Adil Hacızadə də onun uğurunu təkrar edərək, qızıl və gümüş medallara sahib olub.

Turnirə qatılan gimnastlarımız arasında zərif cinsin yeganə nümayəndəsi olan Zeynəb Qasımlı da komanda yoldaşlarından geri qalmayıb. O, 11-12 yaşı gimnastların yarışlarında gümüş medal qazanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.