İQTİSADİYYAT


Giorgi Kvirikaşvili: Transxəzər nəqliyyat marşrutu ilə yükdaşınmalarının həcminin artırılması hamımız üçün əhəmiyyətlidir

A+ A

Tbilisi, 1 sentyabr, AZƏRTAC

Gürcüstanın Baş naziri Giorgi Kvirikaşvili Bakıya səfərinin nəticələri ilə bağlı jurnalistlərə müsahibəsində deyib ki, Transxəzər nəqliyyat marşrutu ilə daşınacaq yüklərin həcmini artırmaq mümkündür. Bunun üçün əvvəlcə mövcud infrastruktur yenilənməli, yeni infrastruktur inşa olunmalıdır.

G.Kvirikaşvili deyib ki, nəqliyyat marşrutu ilə daşınan yüklərin həcminin artırılması iqtisadi baxımdan çox əhəmiyyətlidir: “Bakıda keçirdiyim görüşlərdə, həmçinin, nəqliyyat marşrutunun inkişafı üçün vahid tarif sisteminin tətbiqi, təhlükəsizlik və s. məsələlər barədə də ətraflı müzakirələr apardıq. Görüşlərdə qeyd olundu ki, Transxəzər beynəlxalq nəqliyyat marşrutu ilə yükdaşımalarının həcminin artırılması bizim ölkələrimiz üçün çox faydalı olacaq. Bunun üçün də biz birgə fəaliyyət göstərməliyik”.

Baş nazirin sözlərinə görə, Gürcüstan bu məsələdə də Azərbaycan ilə birgə hərəkət edəcək. Eyni zamanda, Gürcüstan bu istiqamətdə həm Çin hökuməti, həm də Hindistanla danışıqlar aparmalıdır.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.