MƏDƏNİYYƏT


“Global Village” mədəniyyət festivalı Bakıda

A+ A

Bakı, 9 avqust, AZƏRTAC

Bakıda “AİESEC” Azərbaycan Beynəlxalq Gənclər Təşkilatının təşkilatçılığı ilə “Global Village” mədəniyyət festivalı keçirilib.

AZƏRTAC “AİESEC”in “facebook”dakı səhifəsinə istinadla xəbər verir ki, layihə Dənizkənarı Bulvar İdarəsinin dəstəyi ilə reallaşıb. Festival Dənizkənarı Milli Parkda baş tutub. Festival iştirakçıları öz ölkələrinin musiqisi, rəqsləri, incəsənət və adət-ənənələrini təbliğ etməklə yanaşı, mədəni anlaşma, tolerant münasibət vasitəsilə dünyada birlik və harmoniya əldə edə bilmək kimi mövzulardan da çıxış ediblər.

Həmçinin, festivalda dünyanın 30-dan çox ölkəsindən Azərbaycana dəvət olunmuş xarici könüllülər öz mədəniyyətlərini, adət-ənənələrini təqdim etmək imkanı əldə edə biliblər.

Bir sözlə, dünyanın müxtəlif ölkələrindən olan nümayəndələr dostluq abu-havasını yaratmaqla yanaşı, dünyanın necə rəngarəng və unikal olduğunu göstərmək üçün Bakıda bir araya gəliblər. Festival yerli və xarici turistlər tərəfindən maraqla qarşılanıb.

Qeyd edək ki, festival “AİESEC” Azərbaycan Beynəlxalq Gənclər Təşkilatı tərəfindən 2011-ci ildən ənənəvi olaraq keçirilir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.