İQTİSADİYYAT


“Goldman Sachs”: 2018-ci ilin sonlarında neft təklifi arta bilər

Bakı, 24 may, Nihad Budaqov, AZƏRTAC 

2018-ci ilin sonlarında qlobal bazarda neft təklifinin artacağı proqnozlaşdırılır.

AZƏRTAC xəbər verir ki, bu barədə dünyanın qabaqcıl investisiya banklarından olan “Goldman Sachs”ın məlumatında deyilir.

“Goldman Sachs”a görə, Neft İxrac edən Ölkələr Təşkilatı və (OPEC) və müttəfiqlərinin neft hasilatının azaldılmasına dair sazişin müddətinin 9 ay müddətinə artırması İqtisadi Əməkdaşlıq və İnkişaf Təşkilatının (OECD) ehtiyatlarını normallaşdıracaq. Əgər OPEC və Rusiyanın hasilatı yenidən artarsa və şist nefti istehsalı maksimuma çatarsa gələn ilin sonlarında neft bazarında yenidən təklif çoxluğu yaranacaq. Mövcud şəraitdə, 2018-ci ildə tarazlığın yenidən pozulacağı mümkündür.

Bank OPEC-in Vyanada keçirəcəyi növbəti toplantısında neft hasilatının azaldılması üzrə sazişin müddətinin artırılacağını proqnozlaşdırır: “Saziş 2018-ci ilin ilk rübünün sonunadək davam edəcək. “Brent” markalı xam neftin qiymətinin isə bu ilin ikinci yarısında 57 dollar/barrel olacağı proqnozlaşdırılır”.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.