İQTİSADİYYAT


Gömrük Komitəsinin rəsmisi elektron gömrüyün inkişafı ilə bağlı təqdimatla çıxış edib

A+ A

Bakı, 30 sentyabr, AZƏRTAC

Manilada keçirilən Dünya Gömrük Təşkilatının Gömrük sahəsində Akademik Araşdırma və İnkişaf üzrə Tərəfdaşlıq Proqramının (PICARD) növbəti 11-ci illik Konfransında Dövlət Gömrük Komitəsinin Fəaliyyətin Qiymətləndirilməsi və İnkişaf Proqramları Baş İdarəsinin rəisi, gömrük xidməti general-mayoru İqbal Babayev “Elektron gömrüyün inkişaf etdirilməsi üçün layihələrin idarə olunmasının əsas prinsipləri” mövzusunda təqdimatla çıxış edib.

Dövlət Gömrük Komitəsinin mətbuat xidmətindən AZƏRTAC-a bildirilib ki, İqbal Babayev təqdimat zamanı innovasiya layihələrini gömrük sistemində tətbiq etmək üçün 4 əsas prinsipin-infrastrukturun inkişafı, biznes prosesin modernləşdirilməsi, potensialın gücləndirilməsi, metodologiyanın tətbiqinin vacibliyini vurğulayıb. İdarə rəisi təqdimatın əsas fəlsəfəsini belə açıqlayıb: “Yeniliyə aparan yol köhnə ilə vidalaşmaqdan keçir”.

Daha sonra İqbal Babayev İnformasiya Kommunikasiya Texnologiyalarının Azərbaycan gömrüyündə tətbiqindən bəhs edərək, Dövlət Gömrük Komitəsinin “Hədəf” mərkəzi, VAİS sistemi, Elektron bəyanetmə və digər nailiyyətlər barədə məlumat verib.

Təqdimatın sonunda sualları cavablandıran İqbal Babayev innovasiya layihələrinin tətbiqi ilə birlikdə qısa zaman kəsiyində 1100 kiloqramdan artıq heroinin gömrükçülər tərəfindən aşkar edilərək Avropaya daşınmasının qarşısının alındığını, qiymətlərin idarə olunması, tarif sisteminin həyata keçirilməsində mühüm nailiyyətlərin əldə edildiyini diqqətə çatdırıb.

Konfrans çərçivəsində İqbal Babayev “Rəqəmsal Gömrük” panelində də iştirak edib. Paneldə elektron gömrüklə bağlı məsələlər müzakirə olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.