DÜNYA


“Google” şirkəti “Android” sistemi üçün yeni mexanizm tətbiq edib

Bakı, 5 avqust, AZƏRTAC

"Google" şirkəti "Android" mobil əməliyyat sistemi üçün keyfiyyətsiz (həddən çox enerji sərf edən, yaxud tez-tez nasazlıq verən) proqram təminatı ilə mübarizədə yeni mexanizm tətbiq edir. İndi istifadəçi "Play Market" proqramlar mağazasında axtarış edərkən keyfiyyətsiz mobil tətbiqlər axtarış nəticələrində daha aşağı yerlərdə görünəcək.

AZƏRTAC xəbər verir ki, şirkət nümayəndəsinin məlumatına görə, bu üsulla istifadəçi təcrübəsini yaxşılaşdırmaq nəzərdə tutulur və tərtibatçılar öz proqramlarının yoxlanmasına daha diqqətli yanaşmağa məcbur edilir.

"Play Market"də proqramların axtarışda qiymətləndirilməsi üzrə cari alqoritm mənfi rəyləri nəzərə alır, ancaq heç də bütün istifadəçilər mənfi rəy yazmadığına görə populyar, lakin keyfiyyətsiz proqramlar uzun müddət axtarış nəticələrində ön pillələrdə görsənə bilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.