REGİONLAR


Goranboy rayonunda baş verən qəza nəticəsində yol təsərrüfatına ciddi ziyan dəyib

A+ A

Bakı, 29 noyabr, AZƏRTAC

Bakı-Qazax-Gürcüstan ilə dövlət sərhədi avtomobil yolunun 322-ci kilometrində, magistralın Goranboy rayonu ərazisindən keçən hissəsində baş vermiş yol-nəqliyyat hadisəsi nəticəsində yol təsərrüfatına ciddi ziyan dəyib.

“Azəravtoyol” ASC-nin mətbuat xidmətindən AZƏRTAC-a bildirilib ki, Şəmkir rayon sakini, 1975-ci il təvəllüdlü Eldar Qasımov 99 HK 563 dövlət qeydiyyat nömrəli “DAF” markalı yəhərli dartıcılı yük maşını ilə hərəkətdə olarkən qəfil idarəetməni itirib və yük maşını yol ayırıcında olan əyrixətli dəmir tirlərə çırpılaraq aşıb.

Xoşbəxtlikdən hadisə xəsarətsiz ötüşsə də, yol ayırıcında olan 240 poqonmetr uzunluğunda dəmir tirlər sıradan çıxıb. Bundan başqa yük maşınında olan 28 ton mazutun xoşbəxtlikdən cüzi bir hissəsi yola dağılıb. Yolun hərəkət hissəsinin asfalt-beton örtüyünün aşınmasının qarşısını almaq məqsədilə qabaqlayıcı tədbirlər görülüb və dağılmış mazut yoldan təmizlənib.

Hadisə yerinə baxış keçirilərkən məlum olub ki, qəza zamanı yol təsərrüfatına təqribən 20 min manatdan artıq ziyan dəyib. Dəymiş ziyanla bağlı fakt aktlaşdırılaraq, aidiyyəti üzrə göndərilib.

Qeyd edək ki, qəzaya yük maşınının sürücüsünün sükan arxasında yuxulamasının səbəb olduğu ehtimal edilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.