REGİONLAR
Göyçay, Ağdaş və Mingəçevirdə bələdiyyə seçkiləri demokratik şəraitdə keçirilir VİDEO
Göyçay, 23 dekabr, Şahnəzər Bəşirov, AZƏRTAC
Respublikamızın hər yerində olduğu kimi, Mingəçevir şəhərində, Göyçay və Ağdaş rayonlarında da bələdiyyə seçkiləri mütəşəkkil qaydada davam edir.
88 saylı Göyçay seçki dairəsi dairə seçki komissiyasından AZƏRTAC-a verilən məlumata görə, dairənin əhatə etdiyi 43 seçki məntəqəsi üzrə 40142 seçici qeydə alınıb ki, onlardan 416-sı ilk dəfə səs verən vətəndaşlardır. Məntəqələrin 5-də veb-kameralar quraşdırılıb. 23 bələdiyyə üzrə 447 nəfərin namizədliyi qeydə alınıb. Seçkilərin gedişini 441 nəfər yerli müşahidəçi izləyir. Səsvermə seçicilərin fəallığı şəraitində keçir. Saat 10:00-a olan məlumata görə, artıq seçicilərin 4901 nəfəri (12,21 faiz) səsvermədə iştirak edib.
89 saylı Göyçay-Ağdaş seçki dairəsi dairə seçki komissiyasından bildiriblər ki, burada 36 seçki məntəqəsi üzrə 38 158 seçici qeydə alınıb. Seçki məntəqələrindən 17-si Ağdaşda, 19-u isə Göyçayda yerləşir. On iki seçki məntəqəsində veb-kameralar quraşdırılıb. On bir bələdiyyə üzrə 290 nəfərin namizədliyi qeydə alınıb. Seçicilərin 467 nəfəri səsvermədə ilk dəfə iştirak edir. Səsvermənin gedişini 380 nəfər yerli müşahidəçi izləyir. Saat 10:00-dək 4668 nəfər, yəni seçicilərin 12,2 faizi səsvermədə iştirak edib.
90 saylı Ağdaş seçki dairəsi dairə seçki komissiyasından verilən məlumata görə, dairəyə daxil olan 40 məntəqə üzrə seçicilərin ümumi sayı 39833 nəfərdir. Onlardan 430-u ilk dəfə səs verənlərdir. Məntəqələrin 10-da veb-kameralar quraşdırılıb. Səsvermənin gedişini izləmək üçün 418 nəfər yerli müşahidəçi qeydiyyatdan keçib. On səkkiz bələdiyyə üzrə 449 nəfərin namizədliyi qeydə alınıb. Saat 10:00-dək seçicilərin 5251 nəfəri (13,8 faiz) səsvermədə iştirak edib.
47 saylı Mingəçevir seçki dairəsi dairə seçki komissiyasından bildiriblər ki, şəhərdə bələdiyyə seçkiləri seçicilərin yüksək fəallığı şəraitində keçir. Dairə üzrə səsvermə 30 seçki məntəqəsində təşkil edilib. Seçki məntəqələrinin 12-də veb-kameralar quraşdırılıb. Qeydə alınmış 36 min 963 seçicinin 302 nəfəri ilk dəfə səs verir. Bir bələdiyyə üzrə 48 nəfərin namizədliyi qeydə alınıb. Səsvermənin gedişini 331 nəfər yerli müşahidəçi izləyir. Saat 10:00-dək seçicilərin 2642 nəfəri (7,8 faiz) səs verib.