DÜNYA


Göyərtəsində Braziliya futbolçularının olduğu təyyarə qəzaya uğrayıb

A+ A

Bakı, 29 noyabr, AZƏRTAC

Göyərtəsində Braziliyanın “Şapekoense” klubu futbolçularının da olduğu təyyarə Kolumbiyada qəzaya uğrayıb.

AZƏRTAC xəbər verir ki, Univision telekanalının yaydığı məlumata görə, təyyarənin göyərtəsində 72 nəfər sərnişin və 9 ekipaj üzvü olub. Mi Oriente portalı yazır ki, təyyarə yanacaq çatışmazlığı səbəbindən Antiokiya əyalətinin La Unon rayonunda yerə düşüb. Kolumbiyanın José María Córdova aeroportu administrasiyası iqlim şəraitinə görə qəza yerinə getməyin çətinləşdiyini bildirib.

Təyyarə Kolumbiyanın Medelin şəhərinə uçurdu. Noyabrın 30-da burada Cənubi Amerika kuboku turniri çərçivəsində yerli “Atletiko Nasonal” və Braziliyanın “Şapekoense” klubları arasında oyun keçirilməli idi.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.