MƏDƏNİYYƏT
“Gözəllik kraliçası” Bakı teatrının səhnəsində
Bakı, 24 aprel, AZƏRTAC
Azərbaycan Dövlət Gənc Tamaşaçılar Teatrında məşhur dramaturq Martin MakDonaxın “Lineynin trilogiyası”na daxil olan “Lineynin gözəllik kraliçası” tamaşası növbəti dəfə nümayiş olunub.
Teatrın mətbuat xidmətindən AZƏRTAC-a bildirib ki, tamaşanın quruluşçu rejissoru ingiltərəli Yan Vilyem Van Den Boş, quruluşçu rəssamı isə Liza Kukdur.
Tamaşada əsas rolları Əməkdar artistlər Şəfəq Əliyeva, Elşən Rüstəmov, aktyorlar Zülfiyyə Alhüseynova, Eşqin Quliyev ifa ediblər.
Hazırda Martin MakDonaxın 3 əsəri - “Lineynin gözəllik kraliçası”, “Konnemarada bir kəllə” və “Yalqız Qərb” teatrın repertuarında xüsusi yer tutur. Gələn ay ölkəmizdə keçiriləcək IV İslam Həmrəyliyi Oyunları müddətində sənət ocağının yaradıcı kollektivi hər üç tamaşanı ölkəmizə təşrif buyuran qonaqlar və xarici turistlər üçün də təqdim edəcək.