REGİONLAR


Güclü leysan və dolu Qobustanın Şıxzahırlı kəndində ciddi fəsadlar törədib

Qobustan, 2 iyun, AZƏRTAC

İyunun 1-də axşam saatlarından gecəyədək davam edən güclü leysan və dolu Qobustan rayonu ərazisində ciddi fəsadlar törədib.

Rayon fövqəladə hallar komissiyasından AZƏRTAC-a verilən məlumatda bildirilir ki, təbii fəlakət nəticəsində rayonun Şıxzahırlı kəndində həyətyanı sahələri, evləri və yardımçı binaları sel basıb, əkin sahələrinə ciddi ziyan vurub. Güclü sel Bakı-Şamaxı-Yevlax magistral yolunun 80-82-ci kilometrində avtomobillərin hərəkətini dayandırıb.

Rayon icra hakimiyyəti tərəfindən yaradılan xüsusi qrup “Azəravtoyolservis” ASC-nin yerli qurumları ilə birgə gecə təmizləmə işləri apararaq, yolda hərəkəti bərpa edib.

Hazırda Şıxzahırlı kəndində sel suları və dolunun törətdiyi fəsadların aradan qaldırılması, eləcə də dəymiş zərərin dəqiqləşdirilməsi üçün tədbirlər görür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.